الأربعاء، 21 مارس 2018

اسبوع جوميا للموبايلات


اسبوع جوميا للموبايلات :D


هو اسبوع مليان عروض وبدايته من 18 مارس ل 24 مارس. كل يوم على مدار كل ساعة بينزلوا عروض على موبايلات وفى كمان مسابقات وبتبقى عبارة عن لعبة او لغز والفائز بياخد موبايل هدية. عشان تفضل متابع العروض لحظة بلحظة ادخل على اللينك ده هنا هتلاقى جدول العروض بمواعيدها.


يعنى ايه Flash sale
الاسرع يكسب! من أحلى عروض جوميا هى ال Flash Sale بيكون خصم كبير على منتج بكمية محدودة وبيخلص فى ثوانى عشان كده السرعة مطلوبة! وخطواته سهلة وبسيطة
1-      سجل على موقع جوميا قبل ال flash sale
2-      افتح صفحة العروض قبل نزول العرض بشوية واعمل Refresh لحد ما يظهر فى ميعاده
3-      دوس اشترى الان قبل ما يخلص :D

فى كمان كوبونات خصم بتنزل ممكن تستخدمها من خلال تطبيق جوميا على Google Play  واستمتع باحلى الخصومات :D

الأربعاء، 14 مارس 2018

شركة ابل تعتذر لعملائها بسبب بطئ هواتف ايفون

شركة ابل تعتذر لعملائها بسبب بطئ هواتفها !



قالت شركة ابل في خطاب نشرته لعملائها تعتذر فيه عن ظاهرة البطىء التى ظهرت فى اصدارات ايفون القديمة واعلنت عن تعويض عملائها باستبدال البطارية القديمة بواحدة جديدة فقط بـ 29 دولار لكل مستخدم ايفون باصدار قديم بدءا من ايفون 6.

والعبارة الى ارسلتها شركة ابل لعملائها كانت
  “We know that some of you feel Apple has let you down,” says the company. 
“We apologize.”

نعلم انك تشعر ان ابل قد خذلتك لذلك نحن نعتذر.

موبايل ابل

كما أوضحت شركة ابل ان البطارية هى جزء مستهلك من الهاتف ويمكن استبداله واشارت الى ان مستخدمى هواتف ايفون 6  يمكنهم استبدال بطاريتهم بمقابل 29 دولار فقط  وذلك من اخر يناير الى موعد اقصاه نهاية ديسمبر 2018 - بمقدار خصم 50 دولار عن السعر المعتاد لاستبدال البطارية. وقالت شركة ابل انه سيكون المزيد من السمات الجديدة التى تسمح لمستخدمى ايفون قياس مدى صحة وقوة البطارية فى الاصدارات القادمة. حتى يتمكن المستخدمين من قياس كفاءة البطارية وقدرتها على دعم افضل اداء لهاتف ايفون.

لمتابعة أحدث اصدارات هواتف ايفون من شركة ابل واسعارها في مصر 2018

وقالت شركة ابل سيكون هناك تغييرات جذرية فى بطاريات الايفون - مقارنة ببطاريات الجيل الاول من هواتف ايفون , وقالت شركة ابل ايضا ان مستخدمي الايفون لن يحتاجوا يوما لاستبدال البطارية. 

فيما كان رأى بعض مستخدمى ايفون ان سبب بطئ هواتف ايفون جاء بسبب بعض التحديثات  التى اطلقتها شركة ابل فقط لجلب مبيعات زيادة لاصداراتها الجديدة ولذلك اطلقت شركة ابل هذه التصريح عن فائدة التحديثات الاخيرة وعلاقتها بتطورات البطارية وكيفية قياس ادائها, وبذلك خالفت هذا التصور.


لمتابعة الخبر من صفحة ابل الرسمية


السبت، 3 مارس 2018

5 نصايح عشان تحافظ على بطارية موبايلك


5 نصايح عشان تحافظ على بطارية موبايلك


نظريا, الهواتف الذكية ممكن تفضل لمئات من الساعات بشحنة واحدة بس. الصورة دى بتوضح التليفونات بعدد ساعات البطارية بشحنة واحدة بس. اختاروا بعض الموبايلات المشهورة فى اواخر 2016 ودى كانت نتيجتهم.


طبعا اغلبنا مستغرب من الارقام. اه ممكن تقعد عدد ساعات كبير بس لحد اول استخدام بمعنى طول ما التليفون مش مستخدم هيفضل محتفظ بالشحن لساعات طويلة لكن مع اول استخدام لبرنامج او كمكالمة مثلا هيبتدى يقل شحن البطارية. عشان كده فى احصائية تانية اوقع شوية من الاولى ودى بتوضح ان اقصى عدد ساعات ممكن البطارية تستحملها فى اعلى الموبايلات هى 20 ساعة تقريبا.


برغم ان مصطلح TalkTime معناه وقت المحادثة على تليفونك لكن المعنى الاوضح هو اى نشاط بتعمله على الموبايل سواء محادثة او رسالة او تصفح. لكن الارقام تبدو غير واقعية من خلال استخدامنا ولكن شركات الموبايلات بتحب تستخدم الارقام الكبيرة عشان تعلن عن منتجاتها. بسبب الفروقات دى عملنا بحث صغير وقدرنا نعرف بعض النصايح المفيدة للحفاظ على بطارية الموبايل لفترة اطول.

ملحوظة: النصايح دى مطبقة على الاندرويد والايفون .. للأسف مش ويندوز فون. 
الخطوات مشروحة على Android Lollipop and iOS 8  لو عندك اصدار مختلف ممكن يكون فى اختلافات بسيطة.

1- اول خطوة امسح البرامج الغير مستخدمة من شهور

هنشوف باردوا ايه البرامج الى بتشتغل فى background  او بتستخدم push notifications لانها بتستهلك البطارية بقدر كبير بس خلينا نبدأ بمسح البرامج الغير مستخدمة من اول ما اشتريت التليفون تقريبا :).

On Android,  Settings —>Apps. اختار البرنامج الى هتمسحه,  Uninstall.
On iOS, دوس لمدة اطول على الايكون وبعدين اختار علامة X من فوق عشان تمسحه.
فى بعض البرامج صعب انك تمسحها عشان بتكون الشركة منزلها ومانعه اننا نمسحها وده موجود فى الحالتين سواء Android او IOS.

2- قلل البرامج الى بتستخدم ال background data لو هى مش ضرورية 



برامج السوشيال ميديا والايميل بيستخدموها عشان يقدر يوصلك كل حاجة باسرع وقت بس مثلا ال music او notes او games مش محتاجينها تستخدم ال background data.
With iOS, Go to Settings—>General—>Background App Refresh, and select apps to turn off.
With Android,ممكن تتحكم فيها على كل برنامج لوحده مش متجمعين فى نفس الشاشة زى الايفون. Go to Settings—>Data usage. اختار البرنامج> then, فى خيار فى الاخر  restrict background data on cellular networks.

3- متقفلش كل البرامج الشغالى فى ال background

دى صادمة لناس كتيير. لاننا دايما بنسمع ان كل فترة لازم نقفل كل البرامج المفتوحة عشان البطارية متستهلكش وعشان الاداء يبقى اسرع. بس للاسف ده ممكن يأثر بالسلب على البطارية. لما بنفتح ابليكشن ونسيبه وبعدين نرجعله بعدها بفترة , التليفون ذكى كفاية انه يحفظ اخر حاجة وقفت عليها ويرجعك ليها تانى. الامر ده اشبه بانك بتقفل وتدور العربية مع كل اشارة مرور.
نظريا انك تقفل ابليكشن بتستخدمها مرة كل اسبوع هى ممكن تحفظ البطارية بنسبة صغيرة لكن غلق 10 ابليكشن او اكتر بتستخدمهم يوميا ده هيضر التليفون اكتر.

4- اقفل ال notifications من البرامج الاقل اهمية


فى برامج كتير بتستخدم push notifications والى ممكن توصل انها تبعتلك لحظيا او يوميا باختلاف البرنامج. 
 iOS, visit Settings—>Notifications,  turn off notifications 
اقفل الخيار ده عن البرامج الاقل اهمية بالنسبالك.
On Android, go to Settings—>Sound & notification—>App notifications. 

5- خلى الوقت لتفحص الايميل اقل شوية 

بمعنى ان بدل ما يشوف هل فى ايميلات جديدة وصلت كل دقيقة ممكن تخليها بمعدل ابعد شوية. لو انت بتستخدم خدمة ايميل مش بتدعم خاصية ال push notifications من الافضل انك تخلى الخيار ده less frequently بمعدل 30 دقيقة مثلا وممكن انك تستخدم خيار manual بحيث يبحث عن ايميلات جديدة كل ما تفتح الايميل.

On iOS, go to Settings—>Mail, Contacts, Calendars—>Fetch New Data. Turn off “Push”. لو انت مش بتستقبل ايميلات كتيرة يبقى ممكن تترك ال push on